नगरपरिषद कडून अतिक्रमण धारकांना आव्हान

*नगरपरिषदेकडून अतिक्रमण धारकांना आवाहन*

*3 जूनपासून अतिक्रमण काढण्याची मोहीम*

गोंदिया, दि.25 : गोंदिया शहरातील प्रमुख मार्गावरील असलेले अतिक्रमण काढण्याची मोहीम दि.3 जून 2026 पासून नगरपरिषद, गोंदिया द्वारे राबविण्यात येणार आहे. त्यामुळे सर्व संबंधितांनी रस्त्यावर असलेले आपले अतिक्रमण स्वयंखर्चाने काढून रस्ता मोकळा करावा, अन्यथा नगरपरिषदा, नगरपंचायती व औद्योगिक नगरी अधिनियम 1965 अन्वये अतिक्रमण काढण्याची कार्यवाही करण्यात येईल व त्यासाठी संबंधित अतिक्रमण धारकांना कोणतीही पुर्वसूचना देण्यात येणार नाही.

*पहिल्या टप्प्यातील अतिक्रमण रस्ते :* जयस्तंभ चौक ते नगर परिषद कार्यालय, गोरेलाल चौक ते नेहरु चौक, जयस्तंभ चौक ते एलआयसी चौक, स्टेडियम समोरील, अवंतीबाई चौक ते साई मंदिर, नेहरु चौक ते सिव्हील लाईन, कालेखा कंपनी ते रेल्वे स्टेशन मालधक्का, लोहा लाईन, चना लाईन, पोलीस ठाण्यासमोरील प्रितम चौक. असे आवाहन मुख्याधिकारी, नगर परिषद, गोंदिया यांनी केले आहे.